Hei! Har vist planleggingsdelen til prøvenemnda begynt på installatørprøven, men merka at eg har gjort ein feil under planlegginga, det er lagt inn feil kombivern (OV/KV) i Febdok, som har rekna ut feilstraumar og derfor har eg planlagt å bruke jordfeilvern på 100mA for å sikre utkobling (TN-nett).

I Febdok var det lagt inn eit vern med GL-karakteristikk, som eg aldri har høyrt om før, nokon som kan oppklare det for meg?

Vernet eg skal bruke er B-karakteristikk, og etter mine utrekningar vil vernet klare å løyse ut minste kortslutningsstrøm (Ik1pmin) innanfor kravet (0,4s, TN 400V). Ik1pmin i fordeling er 500A og eit vern med B-karakteristikk løyser ut elektromagnetisk momentant ved 5xIn (50Ax5=250A). Vernet som er lagt inn i Febdok løyser ut ved 500A på 3,8s, som er årsaken til at jordfeilvernet er valgt.

Dette vart påpeikt av prøvenemnda når eg møtte dei. Det var dårleg planlegging frå mi side, men så til spørsmålet: Bør eg bruke jordfeilvernet sidan eg hadde det med i planleggingen og berre endre kombivernet i dokumentasjonen eller fjerne vernet og på den måten minske kostnadene? Uansett utfall blir endringane sjølvsagt tatt med i sluttrapporten.

Eg meiner det er positivt at ein legg merke til og endrar eventuelle feil som kjem fram under monteringa, men ikkje heilt sikker på korleis Fagprøvenemnda stiller seg til dette.